სიახლეები

გერმანიის მთავრობა დააფინანსებს COVID-19-ის საწინააღმდეგო ნაზალური ვაქცინის შემუშავებას, რომელიც მსგავსი იქნება ბავშვებისთვის უკვე გამოყენებული გრიპის ვაქცინისა, იტყობინება Trends Xinhua-ზე დაყრდნობით.
განათლებისა და კვლევის მინისტრმა ბეტინა სტარკ-ვაცინგერმა ხუთშაბათს „აუგსბურგ ცაიტუნგს“ განუცხადა, რომ რადგან ვაქცინა პირდაპირ ცხვირის ლორწოვან გარსზე სპრეის გამოყენებით შეჰყავთ, ის „მოქმედებს იქ, სადაც ის ადამიანის ორგანიზმში მოხვდება“.
სტარკ-ვაცინგერის თქმით, მიუნხენის უნივერსიტეტის საავადმყოფოში კვლევითი პროექტები ქვეყნის განათლებისა და კვლევის სამინისტროსგან (BMBF) თითქმის 1.7 მილიონი ევროს (1.73 მილიონი აშშ დოლარი) დაფინანსებას მიიღებს.
პროექტის ხელმძღვანელმა, ჯოზეფ როზენეკერმა, განმარტა, რომ ვაქცინის შეყვანა შესაძლებელია ნემსების გარეშე და შესაბამისად, უმტკივნეულოა. მისი შეყვანა ასევე შესაძლებელია სამედიცინო პერსონალის საჭიროების გარეშე. სტარკ-ვაცინგერის თქმით, ამ ფაქტორებმა შესაძლოა პაციენტებისთვის ვაქცინის მიღება გაამარტივოს.
გერმანიაში 18 წლის და უფროსი ასაკის 69,4 მილიონი ზრდასრული ადამიანიდან დაახლოებით 85%-ს COVID-19-ის საწინააღმდეგო აცრა აქვს გაკეთებული. ოფიციალური მონაცემებით, ადამიანების თითქმის 72%-მა მიიღო ერთი ბუსტერ-ვაქცინა, ხოლო თითქმის 10%-მა - ორი.
მატარებლებში და გარკვეულ დახურულ ადგილებში, როგორიცაა საავადმყოფოები, ნათქვამია ქვეყნის ინფექციებისგან დაცვის შესახებ ახალი კანონის პროექტში, რომელიც ოთხშაბათს ჯანდაცვის სამინისტრომ (BMG) და იუსტიციის სამინისტრომ (BMJ) ერთობლივად წარადგინეს.
ქვეყნის ფედერალურ შტატებს უფლება ექნებათ მიიღონ უფრო ყოვლისმომცველი ზომები, რაც შეიძლება მოიცავდეს სავალდებულო ტესტირებას საჯარო დაწესებულებებში, როგორიცაა სკოლები და საბავშვო ბაღები.
„წინა წლებისგან განსხვავებით, გერმანიამ შემდეგი COVID-19 ზამთრისთვის უნდა მოემზადოს“, - განაცხადა ჯანდაცვის მინისტრმა კარლ ლაუტერბახმა კანონპროექტის წარდგენისას. (1 ევრო = 1.02 აშშ დოლარი)